تجهيزاتنا للمولود الجديد و النفاس

هذي بعض اسئلت العضوة ريانتي :

اخواتى انا فامريكا حبيت استفسر ...كيف الولاده في المستشفى ونضامهم كيف يكون ..؟وهل اجيب معى اذا رحت للمستشفى ملابس للطفل ولى ولا يعطونى دامى في المستشفى؟ وووووووعندى سؤال هو شوي محرج ولكن مالى الا الله ثم انتم بحكم انكن مجربات ...الفوط النسائيه التى تستخدم فى النفاس انا ماعندى لغه ولا اعرف شي ...ابغى اسم الفوط الى تريح من القومه كل ساعه ....وخصوصا باليل ..وانتم اخبر ....والكلوت وش اسمه هنا ..؟ابغى الى تصلح للوقت النفاس ..والافضل؟

انا بولد هنا ان شاء الله وراح اجهز من هنا ....ومتوهقه ماعرف الاسماء بالانجليزى بس بالصور والبلشه ان لقيت كلهم نفس الصوره ....الله يخليكم عطونى اي شي جهزتوه لوقت النفاس ؟ وانا باكتبه عندى واسال عنه ....

هذا ردي على الاستفسارت .. و الي عندها معلومات اكثر او تصحيح لا تبخل علينا

هلا حبيبتي ..

الله يعينج شكلج متوهقه حييل ..

شوفي رعايتهم وايد ممتازه في امريكا ..

اسئليهم عن ابرة الظهر اذا ممكن تاخذينها ..

و هم ما - يشقون و لا يخيطون - لتسهيل خروج البيبي مثلنا في الدول العربيه .. إلا عند الضروره

هذا الي أعرفه .. أنا ما جربت لكن سئلت المجربين ..

و عن ملابس الطفل .. حبيبتي جهزي عدتج كامله لاتعتمدين على حد ..

و أكيد الي انتي بتختارينه بيكون أنسب .. و أحلى ..

و في مواقع كثيره ممكن تشوفينها فيها ثياب النونو و باسعار حلوه ..

بالنسبة للفوطة الصحية .. أنا بالنسبة لي ألوز النوع القطني الناعم للبشره

الحساسه يناسبني فباخذ منه حجم كبير للنفاس .. و منزلين نوع حق الليل ( النوم )

حجمه كبييير .. يصلح حق النفاس ..

إننتي شوفي ايش الي تستخدمينه في دورتج العادية و مرتاحه عليه و اشتري منه حجم

كبير .. و أهم شي يكون ناعم و قطن .. :-o احنا 7 ايام و نتعب كيف في النفاس ..

لازم نختار شي مريييييييييييييييح ..

مدري ايش كلوت :o ما فهمت .. بس اتوقع تقصدين ( البانتي ) ..

بس ما اعرف احسن نوع .. القطن هو دائما أفضل نوع .. بس ممكن يسرب لانه يكون واسع !!

أنا عن نفسي استخدم ؟أيام الدوره الي يجي نفس الاسترج .. و مرات البس عليه شورت

علشان ما يوصخ الثياب ..

بس مدري اذا ينفع هالشي وقت النفاس أو لاء .. بس أكيد بودي النوعين معاي علشان

استخدم الي ارتاح له .. إن شا الله

و طبعاً لا تنسين ( برا ) اللي حق الرضاه ( حمالات الصدر ) .. و مشد البطن ..

و طلبي من اهلج يجيبون الاكلات الي تنظف الجسم مثل الحسو ..

و حق ثياب الحمل .. روحي Gap .. و الميسيز .. و التارجيت

و اتمنى البنات المجربات يساعدونج أكثر ..

اذا تذكرت شي بكتبه لج ان شا الله

استفسارات اختنا ريانتي

اهلين اختى والله متوهقه حيل...لحيث انه اول حمل لى هنا ....

ان شاء الله راح اعمل بالى قلتيه لى ...

البانتى ماعرفه :o بس اتوقع انه نفس الكلوت من شرحك له ...انا سمعت انه فيه حق استخدام مره واحده :-# ...

واااااااااااااي :Dالشق والخياط معقوله مايسوونها:o والله على بالى يسوونها :worn_out:
اما برا حقت الرضاعه ياليت فيه صور لها لو امكن اشوفها

طيب عندى سؤال مو الى النافس يطلع من صدرها حليب فغير وقت الرضاعه هل فيه هنا.... مدرى كيف اوصفها ....هذي الى توضع على الصدر علشان الحليب مايخرب الملابس.......... لانى استخدمتها في بلادى هناك مدرى وين مكانها شكلى راح اتوهق بتغيير ملابسى ياليت تعطونى اسمها بالانجليزى....

والله مفتشله من اسالتى المحرجه انا ماعرف صديقات مجربات النفاس هنا ....

ريانتي ..

bra هي حمالات الصدر ..

panti هو الكلوت :p ..



و أنا شريت البانتي حق الحمل من بيبي آر آس .. قطن .. و يجيج حدهم تحت البطن

علشان مايصير ضغط على النونو .. :biggrin: وااايد مريحين ..

و البرا اللي حق الرضاعة شريت من بيبي آر آس بس ما عجبوني أبداً ..

و رديت شريت من GAP قطن 100% و يهبلووون مريحييين بشكل ..

و هذا شكلها ينفتح و يتصكر :



و مثل ما قلتي في بانتي يستخدم مره وحده .. يمكن تلقينه في الجمعيات !! مو متأكده !!

ووو الي تقصدينها هي الدوائر القطن تحفظ الثياب من الحليب .. في منها أشكااااال و أنواااع

لقيت منها في بيبي آر آس و في الجمعياااااااااااااات في قسم الأطفال جنب ( الحفاظات و المراضيع ) ..

أدوات النفاس :

مفرش خفيف سهل المسح :



ملابس داخلية لفترة النفاس تستخدم مره وحده بس :



وهذا النوع لقيته في موقع امزون .. 25 قطعه .. الرابط :

http://go.3roos.com/speRoKYvAlq

فوط واقية لفترة النفاس :

من موقع أمزون .. شفت هذي الاشياء للحمل و النفاس :

مشد لما بعد الولاده :

http://go.3roos.com/hotQiIc7slP

و هذا الشي يساعد في حمل البطن ^_^ عجبني :



مخدة الراحة للحمل :

جزاكي الله الف خير ياريماااا ,,,, موضوعك مره حلو ومفيد للبنات الحوامل خصوصا اول مره

um.3badee;10891286:
جزاكي الله الف خير ياريماااا ,,,, موضوعك مره حلو ومفيد للبنات الحوامل خصوصا اول مره

وياااج أم عبآآآدي

و طبعاً ما نستغني عن خبرتكم ^_

تسلمي ريماااا ,,,, انا ماجربت النفاس بالغربه خخخ لذلك مابعرف شي ابداااا
بالنسبه للباني انا استخدم ماركة هانز قطنيتهااا حلوه كثير وتمسك ايام الدوره
الفوط مثلي ماقلتي ماركة الوز بس اخذ حجم اكبر للنفاس

شنطنتي وشنتط البيبي اجهزها من ادخل التاسع ثاني اسبوع اغسلهم وابخرهم واكون على استعداد تام هههه ,,,, ولو اني اولد بالضبط على التاريخ الي يعطوني اياهااا ههههه.

هذي مريحة .. ^_

طيب أم عبآآدي .. أسمع عن بنات من يدخلون الشهر التاسع

يشربون مسهلات الولاده و مشا الله يولودون ..

-_- يعني كل وحده منا تقدر تسوي هالشي !!!! و لا ممكن يضرها

موضوع غاوي ريمووو ،، بارك الله فيك

كان بودي أحط موضوع هنيه ( تجمع الحوامل المغتربات ) ويكون الموضوع شامل وعام ..

لي عودة وبقوة لموضوعك ،،

أم المهند;10891701:
موضوع غاوي ريمووو ،، بارك الله فيك

كان بودي أحط موضوع هنيه ( تجمع الحوامل المغتربات ) ويكون الموضوع شامل وعام ..

لي عودة وبقوة لموضوعك ،،

:thumbs_up: أيوووووووووه أم المهند نبي تفااااااااااعل فديتج

ريما :'( الله يسعدك ويوفقك في حياتك يارب ويسهل دربك والله افدتينى كثيرررررررر وان خجلانه جداااااااااااا من طيبتك وكرم اخلاقك

معى وانا سويت قائمه باسماء الى نزلتيهم وبدورهم ... الله يفرجها عليك مثل مافرجتيها على:o

ما فهمت ريموو ، هاي لشو بالضبط

عني أنا ما أثق إلا في منتجات برايفت ، الإلويز يجيب لي حساسية وغير القطن اللي يطلع بره حتى لو شريت الأصلي منهم ،،

برايفت حبيت قطنه كثير ومريح وما يسبب تهيج ولا حساسية ولا اسوداد للمنطقة مع مرور الوقت ،،


والحمد لله اني جايبة وياي من البلد كميات ، كنت شاكة اني ما أشوفه بأمريكا وبيني وبينكم ما دورت عنه بس حاسة انه غير متوفر لأنه صناعة لبنانية ،،

جبت النوعية الثقيلة والنوعية ( ألترا ) ،،



بالنسبة للحزام بعد الولادة لسه محتارة فيه ، أريد أحد يفيدنا في النوعيات الزينة ووين تنباع ؟


ريمووو ،، مسهلات الولادة غير ضرورية في نظري وبأمانة في كل عيالي ما أجربها ،، ولو بحثتي في جوجل بتحصلي آلاف المواضيع على هالشاكلة ،، بس تراه اللي يناسب غيرك مو شرط يناسبك أهم شي تديري بالك من هالنقطة ،،

مثلا على طاري زيت الخروع ،، هاي على كثر ما قريت من تجارب بنات حسيت الكل يجمع ان غلط شربه وقت الطلف لأنه يسوي نتايج عكسية للبعض من الحريم ،،
كل اللي عليك تسويه وقت الطلق تاخذين لك دش دافي وتجي تقري سورة مريم وتدعي ربك بالسهالة ،،
ولو تطلب الأمر سوي لك ماي اخلطي فيه زعفران وشربيه ، أو اغلي في النار كف مريم وليست المريمية لأن فيه ناس ما تفرق بينهم ،،

الحمد لله من شفت نفسي حامل بأمريكا على طول رسلت لأهلي يطرشون لي بعض الأغراض بالبريد العاجل ، بس ما صار وفديت أم عبادي وهي جاية لأمريكا جابتم وياها ،،

عبارة عن ( كف مريم ) + ( الحبة الحمرا أو يسموها حب الرشاد )

كف مريم أول ما تحسي بالطلف اغلي شوي بالنار واشربي ،،

الحبة الحمرا ، للنفاس تطلع كل الأوساخ مع الشوربات تضيفينها أو تتاكل بروحها كذا ،، أو مع التمر وكثر وصفات لها ..

انا من راي تبتعدي عن كل شي ولما يجيكي الالم اكلي تمر ,,,,, وفيه عشبه عندنااا اسمهااا كف مريم نحطهااا في ماي وتتفتح وتصير مثل الورده ونشرب من الماي وتتسهل الولاده باذن الواحد الاحد

وبعدين ملاحظة ريمووو انتي بكر لا تجربي كل اللي تقريه فديتش ،،

يعني مو معقولة تجربي حاجات من أول ما تدشي التاسع !!

أصلا الشهر التاسع أطول شهور الحمل لو جيتي للحق خخخخخ ، وعندنا نحن العمانيين مثل بما معناه يقول ( يوم ينضج بروحه يطيح )

يعني البيبي يوم الله يرريد له ينزل بينزل بدون مسهلات حتى ،، فلا تستعجلي نزوله بروحك

خليه ينمو زيادة إلا إذا الأمر فيد تدخل طبي الأمر يختلف طبعا ،،


عليك بالمشي كثير اللي فيه الفايدة لأن عضلات الحوض تصير مهيأة بعد ذلك للولادة ،،

ههههههههههههههههههههه انا وام المهند نفس الرد كف مريم

ههههههههه أم عبادي القلوب عند بعضها على قولتهم ،،

فعلا ونسيت أضيف التمر ،، شي مهم جهزي لك من تدشي شهرك تمر مدلوك وأول ما تحسي بالأعرض اكلي منه فديتش أول بأول ،،